Өткен жылдың желтоқсан айында облыс орталығы – Түркістанда үш түрлі қызғалдақтың 300 мыңнан астам көшеті отырғызылған еді. Қазiргі таңда жапырақ жайып, толық гүлдеген қызғалдақтар қаланың көркін аша түскен.
Алқызыл гүлдер қаладағы Алматы алаңына және Б.Саттарханов даңғылы мен Әмір Темір, Тыныштықұлов көшелерінің бойы мен Қожа Ахмет Ясауи мешітінің маңайына отырғызылған.
Сондай-ақ, сәуір-мамыр айларында қалаға 350 000 түп сәндік декоративті гүл түрлерін отырғызу жоспарланып отыр.
Қосымша қала тазалығын қамтамасыз ету мақсатында сенбіліктер ұйымдастырылып, оған облыс орталығындағы мекемелердің қызметкерлері мен үкіметтік емес ұйымдардың мүшелері өз үлестерін қосуда.
Түркістан қаласы әкімінің баспасөз қызметі.