Таяуда Алматы облысының тілдерді дамыту жөніндегі басқармасы- ның ұйымдастыруымен «Үздік оқытушы» облыстық байқауы өтті.
Оқытушылардың кәсіби-педагогикалық шығармашылығын жетілдіру және мемлекеттік тілді оқытудың үдерісін ынталандыру мақсатында ұйымдастырылған байқау үш кезеңнен тұрды. Алдымен қатысушылардың электрондық портфолиосы таныстырылып, педагогикалық-психологиялық жағдаяттарға арналған тапсырмалар берілді. Сонымен қатар, 8-10 тыңдаушыдан құрылған аудиторияда сабақ үлгісі көрсетіліп, барлық үміткерлердің жұмыстары сараланды.
Бұл ересектерге мемлекеттік тілді оқытып жүрген мамандар арасындағы байқауға барлығы тоғыз ауданнан оқытушылар қатысқан болатын. Ал, біздің Қарасай аудандық филиалының оқытушысы Сағымбекова Фатима Төлегенқызы осы бәсекеде алғырлығын байқатып, ІІ орынды жеңіп алып, қаржылай сыйлыққа ие болды.
Құттықтаймыз!
Өз тілшіміз.