Оқушылардың логикалық ойлау қабілеттерін арттыру мақсатында, жақында Шамалған қазақ орта мектебінде жастар жылына орай, аймақтық мектептер арасында дойбы ойнынан мектеп лигасы жарысы өткізілді.
Жарысқа аймақтағы сегіз мектептен 96 оқушы қатысты. Оқушылар жас деңгейіне қарай топтарға бөлініп, бәсеке 3-4, 5-6, 7-8, 9-11 сыныптар арасында өткізілді.Олардың жарысқа деген құлшынысы,белсенділігі жоғары болды .
Ойын қорытындысы бойынша 3-4 сыныптар арасында I орынды Қазақ орта мектебі,II орынды Алтынсарин атындағы орта мектебі, III орынды Жаңа қазақ орта мектебі иеленді. 5-6 сыныптар арасында I орынды Қазақ орта мектебі, II орынды Көлащы орта мектебі, III орынды Бәрібаев атындағы орта мектебі алды.7-8 сыныптар арасында I орынға Алтынсарин атындағы орта мектебі, II орынға Қазақ орта мектебі, III орынға Бәрібаев атындағы орта мектебі шығып, 9-11 сыныптар арасында I орынды Бәрібаев атындағы орта мектебі, II орынды Қазақ орта мектебі, III орынды Алтынсарин атындағы қазақ орта мектебі иеленді.
Барлық мектептердің оқушылары жоғарғы деңгейде ойын көрсетті. Жалпы командалық есепте I орыннан Қазақ орта мектебінің оқушылары көрінді.
Әлия КАРМЕНОВА,
Шамалған бекетіндегі қазақ орта мектебі денешынықтыру пәнінің мұғалімі.