Мемлекет басшысының өкімімен Бағдат Батырбекұлы Мусин Қазақстан Республикасы Президентінің цифрландыру және инновациялық технологиялар жөніндегі кеңесшісі қызметіне тағайындалды, деп хабарлайды Ақорданың ресми сайты.

Бұған дейін ол осы салада түрлі лауазымды қызметтерді атқарған.

«Ұлттық ақпараттық технологиялар» акционерлік қоғамының Басқарма төрағасы (07.04.2014-08.2014);

«Қазпочта» АҚ Басқарма төрағасы (01.08.2014-01.2017);

Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің төрағасы (01.2017-05.2018)

Сондай-ақ, бүгін Президент өкімімен Қайрат Иматұлы Сүнтаев Қазақстан Республикасы Ішкі істер министрінің орынбасары қызметіне тағайындалды. Ол бұған дейін Сыбайлас жемқорлыққа қарсы іс-қимыл Агенттігінің Алматы қаласы бойынша департаментінің басшысы болған.