Түркістан қаласын көгалдандыру мақсатында жыл сайын түрлі ағаш көшеттері егіледі. Өткен 2018 жылдың күз айында қаланың негізгі көшелері мен Шәуілдір тасжолының бойына 46 000 түп ағаш көшеті отырғызылып, қаланы суландыру бағытында 6 жерден терең ұңғымалы скважина қазылған болатын.
Өз кезегінде бұл жұмыстар жалғасын тауып, биылғы жылы қаланың барлық аумағын қамтып, 100 мың түп ағаш көшетін отырғызу жоспарланып отыр. Бұл көшеттердің денін шөл мен суға төзімді жиде, қараағаш, емен және жеміс ағаштарының түрлері құрайды. Ағаш көшеттері тазалық мекемесінің жұмысшылары мен сенбіліктерге атсалысқан қаладағы барлық ұжымдар қызметкерлерінің, қала жастарының көмегімен егілді.
Сонымен қатар, Түркістанның кіреберіс төрт қапталынан жаппай павловния ағашын (10 мың түп) отырғызу қолға алынды. Осылайша Түркістанды жасыл желекпен көмкеру жұмыстары қызу жүруде.