Жақында Қаскелең қаласындағы Елбасы, партия Төрағасы Назарбаев Нұрсұлтан Әбішұлы білім алған Абай атындағы орта мектеп гимназияда, «Нұр Отан» партиясы саяси менедж-мент Академиясының жұмыс жоспарына сәйкес, «Қоғамдық қатынастар жүйесіндегі саяси билік» тақырыбында көшпелі семинар-тренинг өткізілді.
Семинарды «Нұр Отан» партиясы Алматы облыстық филиалы төрағасының бірінші орынбасары, аймақтық лектор Г.Тойлыбаева және партияның Еңбекшіқазақ аудандық филиалы төрағасының бірінші орынбасары, аймақтық лектор Қ.Байғоджаев жүргізді.
Семинар-тренингте партия белсенділері, бастауыш партия ұйымының төрағалары, жалпы 60 тыңдаушы қатысты. Жиында «Елбасының Жолдаулары және «Цифрлық Қазақстан» мемлекеттік бағдарламасын іске асыру елді табысты жаңғырту шарты ретінде», «Қоғамдық қатынастар жүйесіндегі саяси билік: саяси билік ұғымдары, белгілері, субъектілері мен типтері» тақырыптарында дәрістер тыңдалды. Сондай-ақ, топтық жұмыс дағдыларын қалыптастыру мақсатында түрлі тренингтер жүргізілді.
Соңында барлық тыңдаушылар тестілеуден өтіп, «Нұр Отан» партиясы саяси менеджемент Академиясының арнайы сертификаттарын алды.
Өз тілшіміз.