Ноҳақликка учраган ўқитувчилар мурожаат қилиши мумкин бўлган рақамлар эълон қилинди
Ойлик маошдан солиққа ариза ёздирмасдан, мажбурий тўлов ушлаб қолиниши масаласидаги мурожаатга Халқ таълими вазири ўринбосари Темур Комилов муносабат билдирди.
«Ҳар қандай жамиятга тўловлар, взнослар, ажратмалар ходимлардан ёзма розилигисиз ёки мажбурлаган ҳолда ушлаб қолиниши мумкин эмас», — деди у.
Халқ таълими тизими ходимлари ноҳақликларга дуч келганда 1006 ва +998999881006 рақамларига қўнғироқ қилишлари мумкин.
Бундан ташқари, ноҳақликларга учраган ходимлар www.ustozovozi.uzedu.uz платформаси орқали мурожаат қилиб, аниқ манзил қолдирса, тегишли чоралар кўрилиши маълум қилинди.
👉 Бухоро хабарлари