Алматыда 1300-ден аса адам Qurban-2020 онлайн платформасы арқылы құрбандыққа шалынған малдың етін алуға өтініш білдірген, - деп хабарлайды Tengrinews.kz.
Бұл туралы Алматы қаласының өңірлік коммуникациялар қызметінің онлайн-брифингінде Бостандық ауданындағы Байкен мешітінің бас имамы Данияр Жұмабаев айтты.
"Бүгінде 1305 адам құрбандыққа шалынған етті онлайн платформа арқылы алуға өтініш білдірген", - деді Данияр Жұмабаев.
Сонымен қатар, оның айтуынша, қала тұрғындарынан құрбандыққа 49 қой, 18 ешкі және 8 басқа малды шалуға өтініш түскен. Құрбан шалынатын мал еті қайырымдылық аясында мұқтаж жандарға таратылады.
Құрбандық шалуға және мұқтаж, аз қамтылған қала тұрғындарының ет алуға қалдырған өтініштерін алу сайтта 24 шілдеден 30 шілде аралығында жүргізіліп жатыр.
Алматыда 1300-ден аса адам онлайн құрбан шалуға өтініш берген
2020-07-29 09:00:41
