Үкімет отырысында Экология, геология және табиғи ресурстар министрі Серікқали Брекешев ақбөкен популяциясының ареалындағы экожүйелерді кешенді бағалау бойынша күрделі ғылыми зерттеулер жүргізу қажет екенін айтты.

Оның айтуынша, биылғы жылы Зоология институты Ғылым және жоғары білім министрлігіне 2022-2024 жылдарға арналған бағдарламалық-мақсатты қаржыландыру аясында ғылыми зерттеулер жүргізуге өтінім берген, алайда жоба қабылданбаған.

Министр биылдан бастап осы зерттеулерге қаржы бөлу мүмкіндігін қарастыруды сұрады.

Тоқаевтың сынынан кейін Экология министрлігі киіктерге қатысты жұмысқа жең түре кірісті

Бұл зерттеулер қорытындысына дейін ауыл шаруашылығы субъектілеріне жабайы жануарлар егістік жеріне зиян келтіргені үшін оның ішінде залалды есептеу әдістемесін және қаржыландыру тетігін әзірлеу бойынша өтемақы мәселесін қарау қажет. Экология, геология және табиғи ресурстар министрі Серікқали Брекешев

14 шілде күні Үкіметтің кеңейтілген отырысында президент Қасым-Жомарт Тоқаев Брекешевке киік атуға рұқсат бергені үшін сөгіс жариялаған еді.