"Үйден шықпаңыздар". Ақтауды құмды дауыл басты

2022-04-04 16:20:17

Источник: http://www.matritca.kz/news/106743-yden-shypayzdar-ataudy-mdy-dauyl-basty.html#

Маңғыстау облысы Төтенше жағдайлар департаменті ақтаулықтарға шұғыл қажеттілік болмаса, көшеге шықпауға кеңес берді. Қаланы құмды дауыл басты.

ТЖД баспасөз қызметі мәліметінше, өңірде ауа райының нашарауына байланысты ескерту жарияланған.

"4 сәуірде күндіз Маңғыстау облысының солтүстігінде найзағай болады деп болжанған. Облыстың батысында, солтүстік-шығысында құмды дауыл соғады. Оңтүстік-шығыстан соғатын жел екпіні секундына 15-20, күндіз 23-28 метрге жетеді. Балаларды ерекше бақылауға алу және оларды қараусыз қалдырмау маңызды.

Аса қажет болмаса көшеге шықпаңыздар", - делінген хабарламада.

Баспасөз қызметінің жетекшісі Гүлнар Ходжабекованың айтуынша, қазіргі уақытта республикалық және облыстық маңызы бар тасжолдар ашық. Ертең, 5 сәуірде облыста құмды дауыл тұрады деп болжанған.

"Үйден шықпаңыздар". Ақтауды құмды дауыл басты

Последние новости