Құрметті солтүстікқазақстандықтар! Сіздерді Еңбек күнімен шын жүректен құттықтаймын! Бұл мереке — адал да тынымсыз еңбегімен өңіріміздің және еліміздің дамуына үлес қосып жүрген барлық азаматтарды біріктіретін ортақ мейрам!
Биылғы жыл — Жұмысшы мамандықтар жылы деп жарияланды. Қоғамымыздың негізі — өз ісінің шеберлері, инженерлер, құрылысшылар, аграрийлер, дәрігерлер, мұғалімдер мен түрлі салада қызмет етіп жүрген мыңдаған мамандар. Сіздердің табандылықтарыңыздың, кәсібиліктеріңіздің және адал еңбектеріңіздің арқасында қалалар мен ауылдар көркейіп, өндіріс ошақтары жаңарып, халықтың тұрмыс сапасы жақсарып келеді.
Солтүстік Қазақстан өңірі әрдайым еңбекқор, шынайы әрі рухы мықты азаматтарымен танымал. Сіздердің туған жерге деген сүйіспеншіліктеріңіз бен жауапкершіліктеріңіз — біздің басты құндылығымыз және дамуымыздың қозғаушы күші.
Күнделікті жасап жатқан еңбектеріңіз үшін шынайы алғысымды білдіремін.
Мерекелеріңіз құтты болсын!