Ұрпақтың көрегендігі әрдайым қартын құрметтеп, оларға қалтқысыз қызмет ету. Жылына бір рет аталып өтілетін күннің ерекше болуы, жастардың хал-жағдайларын сұрауы қариялар үшін үлкен мәртебе. Әсіресе, мемлекеттік қызметтегі азаматтардың сый-сияпат танытуының өзі ата-апаларымызды айрықша құрметке бөлейді. Осы ретте, Жамбыл ауылдық округінің әкімі Тұрарбек Ташовтың қарияларды құттықтауын айтуға болады. Ауыл басшысы «MIRAS HALL» мейрамханасында мерекелік дастархан жайып, қарияларды қонақ қылды. Мерекелік отырыста округтің дамуына үлес қосып жүрген ата-апаларымыз ауыл әкімінің «Алғыс хатымен» марапатталды. Сондай-ақ, осы аймақ кәсіпкерлерінің қолдауымен 50 мүмкіндігі шектеулі азаматтар мен тыл ардагерлеріне азық-түлік салынған сый-дорбалар табысталды. Одан бөлек, округ әкімі Тұрарбек Тұрсынбекұлы қарттар үйіне барып, мерекелерімен құттықтап, көңілдерін көтеріп қайтты.
Дидар МУХАМАДИЕВ.