Сæдæ азы размæ мыхуыры рацыд газет «Рæстдзинад»-ы фыццаг номыр. Уæдæй абонмæ йæ куыст иу бон дæр нæ фæкъуылымпы. Суанг Фыдыбæстæйы Стыр хæсты рæстæг дæр газет республикæйы цæрджыты зонгæ кодта фæстаг хабæрттимæ. «Рæстдзинад»-ы тематикæ у бирæвæрсыг. Политикæ, культурæ, спорт. Зæрдæмæдзæугæ æрмæджытæ дзы ссардзысты æппæт газеткæсджытæ дæр.
Абон нæ студийы уазджытæ сты газет «Рæстдзинад»-ы сæйраг редактор Хозиты Барис, сæрмагонд уацхæссджытæ – Баскаты Уырызмæг æмæ Хуыбиаты Ларисæ. Ныхас кæнæм нырыккон уавæрты газет куыд кусы, цы къуылымпытимæ æмбæлы æмæ фидæнмæ пълæнттыл.