Навукова-практычная канферэнцыя “Чашніцкі край: гісторыка-культурная спадчына рэгіёна” адбудзецца 12-13 чэрвеня.
Яе ўдзельнікі – навукоўцы са сталіцы і Віцебскага рэгіёна – плануюць наведаць аграгарадкі Лукомль,Чарэя, вёску Белая Царква, Лукомльскую ГРЭС, музей Іванскай СШ “Гісторыя Іванскага краю”.
У Навалукомльскім палацы культуры адбудзецца круглы стол “Культурная спадчына Чашніцкага краю”. У цэнтры ўвагі будуць колішнія сядзібы,траецкі абрад Розгары, мікратапонімы і іншыя тэмы.
У СШ № 4 Чашнік будуць працаваць тры секцыі: “Чашніччына ад старажытнасці да 1917 года” (археалогія, маёнткі і іх уладальнікі, колішнія бітвы, рэлігія), “Чашніцкі край ад 1917 года да сучаснасці” (развіццё школьнай адукацыі і асобных прадпрыемстваў, а таксама падзеі часоў Вялікай Айчыннай вайны), “Звязаныя лёсам з Чашніччынай” (асветнік Васіль Цяпінскі, георгіеўскія кавалеры, біёлаг Іван Аўчыннікаў, паэт Янка Журба).
Уваход на канферэнцыю слухачоў вольны.