Қызылорда станциясында жоғалып кеткен 3 жасар бала табылды деп хабарлайды Polisia.kz. Әжесінен көз жазып қалған бүлдіршін жолаушылар легімен бірге «Алматы-Ақтөбе» пойызына мініп кеткен, деп хабарлайды AzattyqRuhy.kz.
Көлік полицейлеріне баланың анасы арызданып келген. Ол 2017 жылы туған ұлы Болат Ахмедиярдың темір жол станциясында әжесімен жүріп, із-түссіз жоғалғанын айтыпты. Артынша анықталғаны, бала жолаушылар пойызына мініп кеткен.
«Пойыз Жалағаш станциясына келгенде полицейлер оны түсіріп алып, анасы келгенше қарауына алды. Кейін ата-анасына тапсырды және олармен профилактикалық жұмыс жүргізілді», - делінген полиция таратқан хабарламада.
Жоғалған баланы іздеу үшін Қызылорда станциясының желілік полиция бөлімінің жеке құрамы жұмылдырылды. Полиция қызметкерлері елеусіз қалатын нысандарды, адамдар көп жиналатын орындарды, вокзалға жақын ғимараттарды және пойыз вагондарын тексерді.
Қызылорда облысында 3 жасар бала өздігімен пойызға мініп кеткен
2020-08-12 09:00:54
