Аяғы ауыр келіншек өкпесінің 90%-ға жуығы зардап шеккен, деп хабарлайды «Хабар 24».

Науқастың жағдайы ұзақ уақыт ауыр болғандықтан, дәрігерлер кесарь тілігі отасын жасау туралы шешім қабылдапты.

Айта кетерлігі, өкпені жасанды желдету аппаратының көмегімен әйел 20 күннен астам уақыт демалып жатқан. Бір қуантарлығы, дүние есігін жаңа ашқан нәрестенің дені сау. Қазір жас ана перзентханадан шығуға дайындалып жатыр.

Ал науқастың өзі Асыл Бимендина «Мен өмірге қайта келгендей болдым. Себебі,өкпемнің 90%-ы зақымданған еді» деп, дәрігерлерге алғысын айтты.