Алексей Цой маска тағу бойынша бұйрыққа қол қойды

2020-07-30 15:00:47

Источник: http://www.matritca.kz/news/77410-aleksey-coy-maska-tau-boyynsha-byrya-ol-oydy.html#talgar

Денсаулық сақтау министрі Алексей Цой қазақстандықтарды қоғамдық орындарда қорғаныш маскаларын тағуды міндеттейтін бұйрыққа қол қойды, - деп хабарлайды Tengrinews.kz.

Норма "Денсаулық сақтау министрлігі мен Ұлттық экономика министрлігінің кейбір бұйрықтарына өзгерістер енгізу туралы" бұйрыққа енді.

"Санитарлық-эпидемияға қарсы, санитарлық-профилактикалық іс-шаралар жүргізілетін жерлерде және (немесе) объектілерде COVID-19 таралуын болдырмау үшін:

COVID-19 жұқтыру қаупі жоғары адамдар тобын анықтау;

Қорғаныш құралдары мен антисептик қолдануға, соның ішінде, ашық жерлерде де (көшеде, үйден тыс жерде) маска тағу;
Байланыссыз термометрияны қолдану;

Адамдардың әлеуметтік қашықтықты сақтауы;

Нысандардың ауасын тазартып тұру;

Стационарлардың жұмысы;

Ба смемлекеттік санитар дәрігерлер қабылдаған санитарлық ереже мен талаптардың қатаң сақталуы;

Денсаулық сақтау мекемелерінде COVID-19-дан бөлек ауру расталған науқастарға орын бөлу;

Денсаулық сақтау мекемелерінде COVID-19 жұқтырған науқастармен байланыста болмауы үшін орын бөлу", - делінген бұйрықта.

Еске салайық, бүгін Қазақстанда көшеде маска тағу міндеттелгені хабарланды.

Алексей Цой маска тағу бойынша бұйрыққа қол қойды

Последние новости