Биржа нарығында төл теңге тағы да құлдырады. Валюта айырбастау нүктелерінде 1 доллардың бағасы 483 теңгеге дейін жетті.

Kurs.kz сайтының мәліметіне сүйенсек, АҚШ-тың бір долларының сатып алу сомасы 483 теңгеге бағаланса, сату құны 474,5 теңгені құрап отыр.

Десе де Елордада доллар бағасы Алматымен салыстырғанда 3 теңгеге арзан. Мұнда 1 доллардың сатып алу бағасы 480 теңгені көрсетіп тұр. Ал сату құны 473 теңге. Еліміздің тағы бір мегополисі Шымкентте де шетелдік валютаның құны осындай.

Алдағы күндері доллардың бағасы қаншалықты шарықтайтыны немесе керісінше түсетіні әзірге белгісіз. Бұл мәселеге қатысты Ұлттық банк тарапынан әлі ресми мәлімдеме жасалған жоқ.