Қазақстандағы күнбағыс майының орташа бағасы – 808 теңге. Бұл туралы мәліметті ҚР СЖРА Ұлттық статистика бюросы таратты.

Статбюро келтірген мәлімет бойынша, мамырда өңірлер бөлінісінде 1 литр күнбағыс майына ең төменгі баға Семей қаласында – 714 тг, жоғары баға Атырау қаласында (859 тг) тіркелді.

Бір жыл ішінде күнбағыс майының бағасы 16,3% қымбаттады.

2022 жылғы қаңтар-мамыр аралығында 65 927 тонна тазартылған күнбағыс майы өндірілді, өткен жылдың сәйкес кезеңімен салыстырғанда бұл көрсеткіш 6%-ға аз.