WhatsApp мессенджері өз функционалын кеңейтпек. Платформа жіберілген хабарламаны редакциялауға мүмкіндік беретін функция әзірлеп жатыр, деп хабарлайды WABetaInfo порталы.

"WhatsApp мәтін хабарламаларды түзетуге мүмкіндік беретін жаңа функция әзірлеп жатыр", - делінген жаңашылдықтарды қадағалап отыратын порталдың хабарламасында.

Бірақ функция хабарламаны редакциялау тарихын көрсетпейді, яғни жазған хаттың бұған дейінгі нұсқаларын көру мүмкіндігі болмайды.
Сондай-ақ мессенджер қолданушылары хабарламаны қашаннан бастап түзете алатыны да белгісіз. Алайда функция енді ғана әзірленіп жатқандықтан, бастапқыдағы кейбір жоспарлар өзгеруі мүмкін.