"Қазақстан темір жолы" ұлттық компаниясы теміржол көлігіндегі қозғалыс қауіпсіздігін қамтамасыз ету ережелерін бұзғаны үшін жазаны қатаңдатуды ұсынды. Бұл Әділет министрлігінде қаралып жатыр, деп хабарлады ҚТЖ - "Магистральдық желі дирекциясы" филиалының қауіпсіздік жөніндегі атқарушы директоры Бақытбек Алдажаров.
Ұлттық компания теміржол бойымен белгіленбеген жерлерде өтетін адамдарға қатысты әкімшілік-қылмыстық жауапкершілікті қатаңдату мақсатында осындай ұсыныс енгізді.
"Компанияның ұсынысы бойынша Әділет министрлігінде Әкімшілік құқықбұзушылық туралы кодекске айыппұлды ұлғайту бойынша өзгерістер енгізу мәселесі қарастырылуда", - деді Бақытбек Алдажаров брифингте.
559 - "теміржол көлігінде қозғалыс қауіпсіздігін қамтамасыз ететін ережелерді бұзу" және 607 - "теміржол өткелдерінен өту ережелерін бұзу" баптарына өзгеріс енгізу қарастырылған.
"Бұл адамдардың заңсыз әрекеті үшін жауапкершілігін арттырады. Сондай-ақ пойыз қозғалысы қауіпсіздігінің деңгейін көтеруге мүмкіндік береді", - деді атқарушы директор.
Ол айыппұлдардың қаншалықты өсетінін нақты айтқан жоқ. Бұл мәселені Әділет министрлігі шешеді.
Қазір теміржолға бөлінген аумақта мал жаюға 5 АЕК (15 315 теңге) мөлшерінде айыппұл салынады;
жолдарда бөгде заттарды қалдырғаны үшін – 20 АЕК (61 260 теңге);
теміржолдарда "серуендегені" үшін – 3 АЕК (9 189 теңге);
тыйым салынатын бағдаршам сигналына өткені үшін - 10 АЕК (30 630 теңге) айыппұл.
Теміржолдағы тәртіп ережелерін бұзу санын қысқарту үшін ҚТЖ Кодекстің дәл осы тармақтарына өзгерту енгізбек.
Теміржол бойымен "серуендеу" үшін жаза күшейтілуі мүмкін
2022-05-24 16:20:14
Источник:
http://www.matritca.kz/news/108993-temrzhol-boyymen-seruendeu-shn-zhaza-ksheytlu-mmkn.html#
Последние новости
24.05.2022
Хрупкие подарки.
24.05.2022
ЦИТАТА ДНЯ
24.05.2022
Дәрігер ас тұзын алмастыратын өнімді атады
24.05.2022
Бүгін Димаш Құдайбергеннің туған күні