Орал қаласының әкімі болып Миржан Сатқанов тағайындалды, - деп хабарлайды қала әкімдігінің баспасөз қызметі.
"Президент Әкімшілігі және қалалық мәслихатпен келісе отырып, меритократия қағидаттарына сәйкес Сатқанов Миржан Мұнайдарұлы Орал қаласының әкімі қызметіне тағайындалды", - делінген хабарламада.
Миржан Сатқанов 1977 жылы Батыс Қазақстан облысында дүниеге келген. Білімі жоғары, Түркия Республикасының Докуз Ейлюл университетін қаржыгер мамандығы бойынша бітірген. Еңбек жолын 2000 жылы Орал қалалық қаржы бөлімінің жетекші маманы болып бастаған.
Бүгінге дейін Бөрлі ауданының әкімі қызметін атқарған.
Бұған дейін Орал тұрғындары 2019 жылдың тамызынан бері қала әкімі болып келген Абат Шыныбековтің отставкаға кетуін талап етіп петиция құрған болатын.
Орал қаласына жаңа әкім тағайындалды
2022-04-26 12:20:20
Источник:
http://www.matritca.kz/appointments-dismissals/107846-oral-alasyna-zhaa-km-taayyndaldy.html#
