Алматы облысында 13 жастағы оқушы қыз TikTok желісінде лайк жинау үшін өз-өзіне қол жұмсамақ болды. Бұл туралы облыстық полиция департаментінде мәлім етті.
Факті Іле ауданында тіркеліп, 18 сәуірде жергілікті тәртіп сақшыларына өз-өзіне қол жұмсамақ болғаны туралы хабарлама түскен. Кезекші полиция қызметкерімен телефон арқылы сөйлескен оқушы көпқабатты үйдің шатырынан секіру арқылы өз-өзіне қол жұмсауды ұйғарғанын мойындады.
Оқиға орнына учаскелік инспектор келіп, 13 жастағы оқушы қызды мұндай әрекеттен бас тартуға көндірді. Бойжеткен ата-анасына табысталып, полицейлер оған дұрыс тәрбие беру жөнінде түсіндірме әңгіме жүргізді.
Мектеп оқушысы өз әрекетін кәдімгі балалық еркелікпен ақтап, өз-өзіне қол жұмсауды жоспарламағанын мойындады. Белгілі болғандай, ол сабаққа кешігіп, көңіл көтеру үшін қараусыз қалған екі қабатты ғимараттың төбесіне шығып, полицияға өз-өзіне қол жұмсағысы келетінін хабарлап, бүкіл процесті ұялы телефонына түсіруген.
Іле ауданы полицейлерінің айтуынша, бақуатты отбасынан шыққан жеткіншек, мектеп басшылығы қызды тек жақсы жағынан ғана сипаттайды.
Ол өзін-өзі өлтіру әрекетіне қатысты оғаш мінез-құлқын видеоға түсіріп, TikTok-қа салып, ең көп лайк жинағысы келгенімен түсіндірді, деп қосты аудандық полиция.
Ювеналды полиция инспекторлары кәмелетке толмаған баланы есепке алды. Жақын арада қыз мектеп психологымен жұмыс істеуге мәжбүр болады. Ата-анасына қатысты Қазақстан Республикасының Әкімшілік құқық бұзушылық заңының 127 бабы бойынша әкімшілік хаттама толтырылды.
Мектеп оқушысы TikTok парақшасында лайк жинау үшін өз-өзіне қол жұмсамақ болған
2022-04-19 12:20:37
