Облыстық Төтенше жағдайлар департаментінің хабарлауынша, 16 сәуірде Теміртау қаласындағы «СПП-Металлург» саяжай бірлестігінде шөп пен қоқыс жанып, өрт 10 шаршы метр аумақты шарпыды.
Өртті өздігінен сөндірмек болған 1954 жылы туған әйелді күйік шалып, ауруханаға жатқызылды.
Қарағанды облысы Төтенше жағдайлар департаментінің баспасөз қызметі
Сондай-ақ сенбі күні Қарағандыда «Фондер» және «Оптимист» саяжайларында өрт болды.
Өрт 9 саяжайға (оның 8-і тұрғын емес) және жалпы алаңы 5 гектар құрғақ шөпке жайылды. Бір күннен кейін, 17 сәуірде өрт «Мечта» саяжайындағы 30 саяжайға тарады.
Сонымен қатар, Балқаш қаласындағы «Прибой» саяжайында үш учаскенің аумағында жалпы алаңы 572 шаршы метр құрғақ шөп өртенді.
17 сәуірде Теміртау қаласының маңындағы «Уралочка» және «Алма» елді мекендерінде өрт шығып, құрғақ шөптің тұтануына байланысты жалын 203 учаскенің аумағын шарпыды. Өрттің жалпы аумағы 75 гектардан асты.
Жалпы, ТЖД мәліметінше, өртті жоюға 109 адам мен 26 техника жұмылдырылған.