Түлкібас ауданына қарасты Жабағылы ауылында «Ақсу-Жабағылы» мемлекеттік табиғи қорығының және аудан әкімдігінің ұйытқы болуымен «Парктер шеруі–2019» табиғатты қорғау акциясы өтті.
Жастар мен ауыл тұрғындары бұл шараға белсене қатысып, жұртшылықты қоршаған ортаны қорғауға, табиғатты аялауға шақырды.
Акция барысында мектеп оқушылары арасынан «Табиғатта әрбір нәрсе маңызды» атты әдеби, «Көктемнің сыйы» атты қолөнер, «Құстар – біздің досымыз» және «Қорығым – мақтанышым» атты сурет байқаулары ұйымдастырылды. Байқау қорытындысында жеңімпаздар арнайы дипломдармен және естелік сыйлықтармен марапатталды. Шара соңы тақырыпқа сай концерттік бағдарламаға ұласты.
Аталмыш акция ағымдағы жылдың 5 мамырына дейін, яғни Табиғатты қорғау күніне дейін жалғасады.
«Оңтүстік»-ақпарат.