23 маусымда елімізде Мемлекеттік қызметші күні аталып өтеді. Президент мемлекеттік қызметке жоғары талаптар қояды — кәсібиліктің, ашықтықтың және елге адал қызмет етудің үлгісі болу.
Республиканың тұрақты дамуы тікелей мемлекеттік қызметшілердің кәсібилігіне байланысты. Бүгінде олар – қоғамдағы ауқымды өзгерістердің негізгі қозғаушы күші. Солтүстік Қазақстан облысының мемлекеттік қызметшілері өңір экономикасының дамуына, институттардың нығаюына және мемлекеттік бастамалардың жүзеге асуына елеулі үлес қосып келеді.
Барша мемлекеттік қызметшілерді кәсіби мерекемен шын жүректен құттықтаймын! Сіздерге зор денсаулық, амандық, жаңа жетістіктер мен алға қойған мақсаттарыңыздың сәтті жүзеге асуын тілеймін! Мереке құтты болсын!