2025 жылғы 12 маусымда Петропавл қаласында терроризмге қарсы күрес жөніндегі Солтүстік Қазақстан облыстық жедел штабының ұйымдастыруымен «Әуежай-Антитеррор-2025» терроризмге қарсы оқу-жаттығулары өткізіледі.
Іс-шара барысында Петропавл халықаралық әуежайы аумағында көлік пен жаяу жүргіншілердің қозғалысына уақытша шектеулер қойылады.
Азаматтардан қауіпсіздік шараларын сақтауды, тартылған мемлекеттік органдар қызметкерлерінің заңды талаптарын орындауды сұраймыз. Ақпаратты тек ресми дереккөздерден алуға және жалған мәлімет таратпауға кеңес береміз.