Шимал Кавказда Ространснадзорну Къабарты-Малкъарда бёлюмюнде бу ведомствону ишчилери адамланы эмда жюкле ташыучу компанияланы келечилери бла тюбешгендиле. Анга бёлюмню башчысы А. Джибилов, инспекторла эм башхала къатышхан эдиле. Жыйылыуну кесин да коррупциягъа къажау кюрешни халкъла аралы кюнюне атап бардыргъандыла.

Ушакъ баргъан кезиуде ведомствону бузукълукълагъа къажау бёлюмюню башчысы В. Пленников къонакълагъа коррупция дегеннге сакъ болургъа, андан кери турургъа чакъыргъанды, аны хатасы жамауатны къоркъуусузлугъуна да жетгенин чертгенди.

Коррупциягъа къажау кюрешни халкъла аралы кюню жыл сайын тогъузунчу декабрьде белгиленеди. Аны тамыры уа 2003 жылда ООН-ну тийишли Конвенциясына къол салыннгандан башланады. Россей Федерация да ол чакъырыуну дурус кёрген биринчилени санындады; аллай умутла 2006 жылда 8 мартда 40-ФЗ закон бла къабыл этилгендиле. Аны бла бизни къырал хар неде да коррупциягъа къажау турургъа итиннгенин кёргюзтгенди, деп белгилегендиле Ространснадзорну регионда бёлюмюнде.
https://zamankbr.ru/node/16667