Биылғы оқу жылында ауданымыздағы үш мектептің жаңа жапсаржайлары пайдалуға беріледі, деп хабарлайды Kaskelenkz тілшісі.
Аудандық құрылыс бөлімінің басшысы Жарас Қатубаевтың берген мәліметіне сүйенсек, биыл Райымбек округіне қарасты Абай ауылындағы мектепте 600 орындық, Қаскелең қаласындағы С.Керімбеков атындағы орта мектепте 300 орындық, Шамалған бекетіндегі Ы.Алтынсарин мектебінде 600 орындық жапсаржай құрылысы аяқталды. Бұдан бөлек, халық санының күрт өсуіне байланысты, Үштерек, Жармұхамбет, Бұлақты, Долан ауылдарында 600, Әйтей ауылындағы «Өмірзақ» тұрғын үй кешенінде 900 және Батан ауылында 450 орындық мектеп ғимараттарын тұрғызуға ашық байқау өткізу үшін құжаттары дайындалып жатыр.