«Цифрлық құжаттар» енді kaspi.kz және halykbank.kz мобильді қосымшаларында қолжетімді.
Аталған сервис тек eGov mobile қосымшасында қолжетімді болатын. Цифрлық құжатты QR код және қысқа алты таңбалы код арқылы пайдалануға болады. Қосымшаларға кірген кезде Kaspi.kz және Halyk Homebank пайдаланушы бір реттік пароль арқылы цифрлық құжаттарды пайдалануға келісім береді. Бұл механизм пайдаланушы деректерінің жоғары қауіпсіздігін қамтамасыз етеді.
Естеріңізге сала кетейік, цифрлық құжат түпнұсқа құжаттың аналогы болып табылады. Қазіргі уақытта «Цифрлық құжаттар» сервисінде 18 құжат түрі бар.