Наурыз мерекесін Қарасай аудандық орталық ауруханасы да биыл ерекше атап өтті. Ақ желеңділер мейрамда денсаулықтарына орай ауруханада жатқан науқастардың көңілін көтеріп, ерекше көңіл күй сыйлады. Аста-төк дастархан жайып, сырқат жандарға құрмет көрсетті. Наурыз көже ұсынылып, мекеменің басшысы Ербол Жақсылықұлы ақжарма тілегін арнады. Өзі де ортақ дастархан басында отырып, емделушілердің ұсыныс-пікірін тыңдады.
Риза болған үлкендер жағы аурухана ұжымына ақ баталарын беріп, дәрігерлердің қиын әрі жауапты жұмысына сәттілік тіледі.