Бош прокуратура ҳузуридаги департамент ва Давлат хавфсизлик хизматининг ҳудудий бошқармаси ходимлари томонидан олиб борилган тезкор тадбирлар давомида мансабдор шахсларнинг коррупцион ҳаракатлари тўхтатилди (https://kun.uz/72655034).
Бухоро вилояти туман ҳокимликларидан биридаги вояга етмаганлар бўйича комиссиянинг масъул котиби шу ерда яшовчи фуқаролардан бирига туман марказида савдо маркази қуриши учун 4 сотих ер майдони ажратилишига ёрдам беришини ваъда қилиб, эвазига 4 минг доллар сўраган ва шундан 2 минг долларни олдиндан тўлов сифатида олган вақтида ДХХ ва департамент ходимлари томонидан ушланган.
Ҳозирда аниқланган ҳолат юзасидан жиноят ишлари қўзғатилиб, тергов ҳаракатлари олиб борилмоқда.