Түркістан облысының Кентау қаласына қарасты Шорнақ ауылындағы жағдайға байланысты облыс әкімінің орынбасары Сәкен Қалақаманов желідегі парақшасына жазба қалдырды, деп хабарлайды Матрица.kz.
"20 шілде күні ішімдік ішкен азамат өз ауылдасына қоқан-лоққы көрсеткендіктен екі тараптың арасында төбелес басталған. Төбелесті тоқтатпақ болған учаскелік полицияға да тас тиген. Бұзақылар ұсталып, оқиғаның мән-жайы анықталды. Екі жақтың азаматтары да уақытша қамау изоляторына қамалды. Кімнің кінәлі екенін енді сот шешеді. Арада екі күн өткен соң әлеуметтік желіде қатысушылардың бірі түсірген бейнетаспа жарияланып, әлеуметтік желі қолданушылары арасында ұлтаралық қақтығысқа үндеген жазбалар да көбейе бастады. Бүгін бесінші күн қатарынан Шорнақта жүрген адам ретінде айтарым, бұл елдімекенде жағдай қалыпты. Тыныш. Ұлтараздық алауыздықты туындату - қылмыстық жауапкершілікке жататынын ескертемін"- деді Түркістан облысы әкімінің орынбасары Сәкен Қалқаманов.
Еске сала кетейік, жарақат алған полицейдің қатысуымен түсірілген видео бүгін әлеуметтік желілерде кеңінен таралған болатын.
Сакен Қалқаманов: Тұрмыстық төбелестің соңы ғаламдық хайпқа ұласпасын!
2020-07-23 19:00:40
Источник:
http://www.matritca.kz/news/77004-saken-alamanov-trmysty-tbelest-soy-alamdy-haypa-laspasyn.html
