Павлодар облысы Ақтоғай ауданының полиция қызметкерлері үш баласына алимент төлемеген 30 жастағы ауыл тұрғынын ұстады, деп хабарлайды ҚазАқпарат .

«Ауданның көші-қон қызметіне 2019 жылдан бері кәмелетке толмаған үш баласына алимент төлемеген Ақтоғай ауылының тұрғынына іздеу салу туралы сот қаулысы келіп түскен» деп хабарлады Павлодар облысы полиция департаментінің баспасөз қызметі.

Бірнеше жылдан бері балалар әкесімен бірге тұрады. Соттың шешімі бойынша, балаларды асырап-бағу үшін олардың шешесі алимент төлеуге міндетті.

«Көші-қон заңнамасы белгілеген мерзімде әйелдің тұрғылықты жері анықталып, барлық қажетті шаралар жүргізілді « деп атап өтті департамент.