Төтенше жағдай жөніндегі жедел штабтың ақпаратына сүйенсек, қазір ауданға келген су Жайыққа қарай жіберіліп жатыр.
«Апатты учаскенің айналасында үш деңгейлі бөгет салынып жатыр.Индербор ауылының бір бөлігі уақытша жарықсыз қалады. Сондай-ақ, резервтік бөгет салынып жатыр», — деді Индер ауданының әкімі Дарын Шамұратов.
Оқиға орнында Атырау облысының әкімі Серік Шапкенов және ТЖ министрі Шыңғыс Әрінов бар. Ауданның арнайы техникасы жұмылдырылып, облыс орталығынан қосымша техника тартылды.