ТЖМ вице-министрі Бауыржан Сыздықовтан журналистер Қазақстандағы су тасқынының алдын алуға бөлінген 7 миллиард теңгені қайда жұмсағанын сұрады.
ТЖМ жауабы
«Мен түсіндіргім келеді, іс жүзінде 7 млрд теңге бөлінбеген. Қарастырылған. Оны дұрыс түсінуіңіз керек. Бұл қаражат жергілікті атқарушы органдардың бюджеттерінде көзделеді. Бүгінгі таңда әкімдіктердің ақпараты бойынша бұл ақшадан 3 млрд теңгеден астам қаржы бөлінді. Барлық қаражат су тасқынына қарсы күреске жұмсалады», — деді вице-министр.
Қаражат
14 наурызда брифинг барысында ТЖМ төтенше жағдайлардың алдын алу департаменті басшысының міндетін атқарушы Алтай Мырзабаев жергілікті атқарушы органдар бүкіл ел бойынша су тасқынына қарсы іс-шараларға 7 млрд теңгеден астам қаражат бөлгенін айтқан еді.