Тәртіпсіздік кезінде Ақтөбе облысы әкімдігін басып алу сәті түсірілген видеоны облыстық полиция департаментінің баспасөз қызметі жариялады.

Полиция 5 қаңтардағы митинг кезінде лаңкестер Ақтөбе облысы әкімдігінің ғимаратын басып алғанын айтты.

"Наразылық білдірушілер бірнеше кеңсені қиратты, тұрмыстық техника бүлініп, ұрланды және т.б. Кадрдан жиналғандардың жиһаздарды, әйнекті сындырғанын көруге болады", - делінген хабарламада.

Ақтөбе облысының әкімдігі әкімшілік ғимаратқа жасалған шабуылдан келген шығынның жалпы сомасы шамамен 300 миллион теңгені құрағанын атап өтті.