Алматы облысы әкімінің өкімімен Арыслан Дәндібаев облыс әкімінің орынбасары болып тағайындалды, деп хабарлайды zakon.kz.


Ол 1975 жылы туылған. Абай атындағы Алматы мемлекеттік университетін бітірген. Мамандығы - халықаралық қатынастар жөніндегі маман, референт.

Еңбек жолын ҚР Сыртқы істер министрлігі Консулдық қызмет департаментінің маманы, атташесі болып бастаған.

Осы жылдары ол Қазақстан Республикасының Стамбулдағы консулдығының атташесі, Қазақстан Республикасының Түркия Республикасындағы Елшілігінде, Қазақстан Республикасының Амстердамдағы Бас консулдығының вице-консулы, екінші хатшысы болып жұмыс істеді. Нидерланды Корольдігінде Қазақстан Республикасының Дипломатиялық Миссиясының бірінші хатшысы, Қазақстан Республикасының Түркия Республикасындағы Елшілігінің бірінші хатшысы, ҚР Сыртқы істер министрлігі Мемлекеттік хаттама қызметі мемлекеттік және үкіметтік сапарлар бөлімінің бастығы, бас сарапшы, Қазақстан Республикасы Президентінің хаттама бойынша кеңесшісі, Қазақстан Республикасы Бас консулдығының кеңесшісі , Қазақстан Республикасының Стамбулдағы Бас консулы, ҚР Сыртқы істер министрлігінің Алматыдағы өкілдігінің басшысы, "Астана-ЭКСПО-2017" ҰК " АҚ хаттама қызметі, ҚР Сыртқы істер министрлігінің Мемлекеттік хаттама қызметінің бастығы, Қазақстан Республикасы Президенті Хаттамасы бастығының орынбасары.

2019 жылдың наурызынан бастап - Қазақстан Республикасы Тұңғыш Президенті - Елбасы Хаттамасының бастығы.

Бүгін, 5 мамырда Әділ Жанұзақов Қазақстан Республикасының Тұңғыш Президенті Хаттамасының жаңа басшысы болып тағайындалған еді.