Ӕппæтдунеон æхсæнадон змæлд «Иры Стыр Ныхас» зæрдиагæй арфæ кæны Хуссар Ирыстон-Аланийы сæрибаруарзаг адæмæн 30 азы размæ райгуырæн бæсты сæрвæлтау тохы цы егъау бæрæгбон райгуырд, уый фæдыл.
Республикæйы Бон у æппæтадæмон бæрæгбон!
Ис ын стыр нысан. Ирыстоны зæххыл 1990 азы цы хæдбар паддзахад сæвзæрд, уый фидарæй фидардæр кæнæд! Уæлахиз уæд нæ иудзинад!
Нæ зæрдæ уын зæгъы æнæниздзинад æмæ амонд, Ирыстоны цъæх арвы бын уæ бинонтимæ сæрибарæй куыд цæрат, æнæмаст, æнæфыдбылыз, æнæзæрдæхсайгæйæ куыд рæзой сабитæ, куыд хъомыл кæной хъæбатыр хæдбар Республикæйы Ирыстоны кадæн.
Бæрæгбоны хорзæх уæ уæд!