Олимпиаг уæлахиздзау Сидахъты Зауырбег Ног азы къæсæрыл раарфæ кодта Ирыстоны цæрджытæн.
«Мæ зынаргъ æмбæлттæ! Кæронмæ æрхæццæ 2021 аз. Ацы аз сæххæст, бирæ кæмæ бæллыдтæн, уыцы бæллиц – сдæн олимпиаг хъæзтыты уæлахиздзау. Стыр бузныг зæгъын мæ фæнды, мемæ иузæрдион чи уыд, уыдонæн се ‘ппæтæн дæр. Уый у нæ иумæйаг уæлахиз. Ног азы уын мæ зæрдæ зæгъы фидар æнæниздзинад, бинонты амонд æмæ уæ хæдзæртты бæркад!», – загъта Сидахъты Зауырбег.
Уæ зæрдыл уын æрлæууын кæнæм, 2021 азы сæрды Сидахъты Зауырбег олимпиаг турниры кæронбæттæны уæгъдибар хъæбысхæстæй 74 онг уæзы категорийы 7:0 хыгъдимæ фæуæлахиз Белоруссийы минæвар Магомедхабиб Кадимагомедовыл æмæ сси олимпиаг уæлахиздзау.