Самая вялікая папуляцыя бурых мядзведзяў у Беларусі пражывае на Віцебшчыне. У Гарадоцкім, Лёзненскім, частцы Шумілінскага і Віцебскага раёнаў налічваецца каля 40 асобін. Ёсць касалапыя і ў ландшафтным заказніку рэспубліканскага значэння “Чырвоны Бор” (Расонскі і Верхнядзвінскі раёны), Бярэзінскім біясферным запаведніку (Лепельскі і Докшыцкі раёны).
На беларускіх абшарах гэты буйны драпежнік водзіцца яшчэ ў Налібоцкай пушчы, якая займае часткі тэрыторый Гродзенскай і Мінскай абласцей, Палескім радыяцыйна-экалагічным запаведніку (Гомельская вобласць). Згодна з апошнімі паведамленнямі, заўважана з’яўленне бурага мядзведзя ў Белавежскай пушчы (Брэсцкая вобласць). Гэты звер таксама занесены ў Чырвоную кнігу Рэспублікі Беларусь.
Мікалай Півавар, кандыдат гістарычных навук.
Фота з адкрытых крыніц.