У Паставах на слыху навіна: настаўнік геаграфіі з гімназіі Ігар Пракаповіч атрымаў па выніках рэспубліканскага конкурсу Гран-пры за краязнаўчую дзейнасць. Заслужана, бо аднавіў звесткі пра безліч падзей і фактаў з гісторыі краю, пазнаёміў яго жыхароў са знакамітымі землякамі, якія пакінулі след у эканоміцы і культуры. На яго рахунку каля 30 выданняў, прысвечаных Пастаўшчыне, больш чым 100 артыкулаў па краязнаўстве.
Ігар Міхайлавіч – член Саюза беларускіх пісьменнікаў, Вучонага савета Беларускага геаграфічнага таварыства, лаўрэат літаратурных прэмій часопіса «Маладосць» і імя Уладзіміра Караткевіч.
Гран-пры Ігару Міхайлавічу, адзначыў старшыня Беларускага фонду культуры Тадэвуш Стружэцкі, які быў адным з арганізатараў рэспубліканскага форуму, прысудзілі ў сукупнасці за актыўную краязнаўчую дзейнасць і вялікі ўклад у гэту справу.
Акрамя таго, Ігар Пракаповіч узнагароджаны Ганаровай граматай Міністэрства інфармацыі Рэспублікі Беларусь і сертыфікатам на права бясплатнага выхаду ў свет у адным з дзяржаўных выдавецтваў новай кнігі краязнаўчай тэматыкі.
А ён мае чым зацікавіць чытачоў. Падрыхтаваў некалькі кніг, прысвечаных мястэчкам Пастаўшчыны і пастаўскай галіне славутага роду Друцкіх-Любецкіх, шэраг іншых даследчых работ.
Фота з адкрытых крыніц.