Абласное свята нацыянальных культур ”Нас з’яднала зямля Беларусі“ ў межах XIV Рэспубліканскага фестывалю нацыянальных культур, прысвечанае Году міру і стварэння, адбылося ў Талачыне.
У свяце прынялі ўдзел творчыя калектывы, індывідуальныя выканаўцы, майстры народных мастацкіх рамёстваў з 10 раёнаў (Верхнядзвінскі, Докшыцкі, Дубровенскі, Лепельскі, Міёрскі, Полацкі, Сенненскі, Талачынскі, Ушацкі, Чашніцкі) і г.Віцебска.
Творчасць удзельнікаў на выставе і ў канцэртнай праграме была прадстаўлена па 9 нацыянальнасцях (армяне, беларусы, казахі, ланкійцы, малдаване, рускія, таджыкі, украінцы, яўрэі).
У рамках правядзення свята членаў журы ўразілі і натхнілі яркія творчыя нумары ўдзельнікаў, якія былі адзначаны дыпломамі 1 ступені і сертыфікатамі: танец ”Bollywood“ групы ”Mixfeeds“ з Шры-Ланкі (ДУ ”Цэнтр культуры ”Віцебск“, намінацыя ”Харэаграфічны жанр“); дуэт Васільевых з Чашніцкага раёна (намінацыя ”Цыркавое прадстаўленне“); вакальны квартэт ”Роксолана“ філіяла ”Каменскі сельскі Дом культуры“ ДУК ”Лепельскі раённы Дом культуры“ і вакальны ансамбль сям’і Красільнікавых ДУК ”Цэнтр традыцыйнай культуры i народнай творчасцi Докшыцкага раёна“ (намінацыя ”Вакальны жанр“); майстар Шынкевіч Галіна Уладзіміраўна (філіял ”Чашніцкі Дом рамёстваў“ ДУК ”Чашніцкі раённы цэнтр культуры і народнай творчасці“) – за лепшае афармленне і прэзентацыю выставы дэкаратыўна-прыкладной творчасці; народны калектыў беларускай нацыянальнай кухні, фальклору і гульні ”Расіца“ філіяла ”Бігосаўскі сельскі Дом культуры“ ДУК ”Верхнядзвінскі раённы цэнтр культуры і народнай творчасці“, кіраўнік Марына Кіч – за лепшую прэзентацыю нацыянальнай кухні.
Арганізатары свята: упраўленне культуры Віцебскага абласнога выканаўчага камітэта, дзяржаўная ўстанова ”Віцебскі абласны метадычны цэнтр народнай творчасці“, сектар культуры Талачынскага раённага выканаўчага камітэта.
Алена Семяніда, вядучы метадыст АМЦНТ