У Сянне распачалася навуковая канферэнцыя “Сенненскі край: гісторыка-культурная спадчына рэгіёна”.
У ёй бяруць удзел гісторыкі, археолагі, архівісты, супрацоўнікі музеяў і бібліятэк, краязнаўцы з Мінска, Віцебска, Полацка, Оршы, Гродна, Гомеля, Сянна. У трох секцыях будзе заслухана больш за 50 дакладаў па гісторыі краю ад старажытнасці да сучаснасці.
Удзельнікаў форуму віталі старшыня Сенненскага райвыканкама Ігар Мароз, дырэктар Інстытута гісторыі НАН Беларусі Вадзім Лакіза, старшыня пастаяннай камісіі па правах чалавека, нацыянальных адносінах і сродках масавай інфармацыі Палаты прадстаўнікоў Нацыянальнага сходу Рэспублікі Беларусь Генадзь Давыдзька.
Канферэнцыя арганізавана ў рамках Дзяржаўнай праграмы навуковых даследаванняў на 2021–2025 гг. “Грамадства і гуманітарная бяспека беларускай дзяржавы”.
Фото Сяргея ЛЯШУКА