Шэнэ, мүнөө үеын тамирай байшангые стадионой эзэд болохо һургуулиин һурагшад нэн түрүүн туршаһан байна. Хани барисаанай матчтада Буряадай Толгойлогшо Алексей Цыденов болон Арадай Хуралай Түрүүлэгшэ Владимир Павлов гэгшэд хабаадаба.
Хонхолойн тамирай талмай һүүлэй жэлнүүдтэ социальна удха шанартай түсэлнүүдэй нэгэн болоно.
Һаядаа энэ газар Хонхоло нютагай тамирай гол талмай болохонь.Юуб гэхэдэ, эндэ футболой талмай баригданхай. Харин үшөө хажуудань волейболой, баскетболой талмайнууд баригдаха, тэндэ үхибүүд һорилго хэхэ, тиихэдэ аймагай мүрысөөнүүд үнгэргэгдэдэг байха. Тус түсэлэй сэн 15 сая түхэригтэ болоно. Энэ нютагhаа гарбалтай Батор Гомбоевой үүсхэлээр тамирай талмай баригдаба, мүн лэ мүнгэ алта тэрэ hомолhон байна.
Батор Гомбоев, олзын хэрэг эрхилэгшэ, меценат:
- Очень много детей, очень много молодёжи, ребятишек очень много. И поэтому мы решили, чтобы наше село процветало, мы сделали здесь такое, чтобы был центр притяжения у этого села, чтобы молодёжь оставалась.
Тус үүсхэл Засагай газарай хэмжээндэ дэмжэлгэдэ хүртөө. Объект шалгаһанай удаа Буряадай толгойлогшо барилга дүүргэгдэхэ гэжэ мэдүүлээ.
Алексей Цыденов, Буряад Уласай Толгойлогшо:
- Стадион строится благодаря неравнодушному жителю, который вкладывается в это. Очень отрадно. Мы поможем, тоже своё софинансирование на завершение работ по стадиону выделим.
Алексей Цыденов мүн лэ Хонхолойн эхин һургуулида хүрөө. 1967 ондо баригдаһан байшанда хэдэн жэлэй саада тээ ехэ заһабарилга хэгдээ hэн.Тамирай байшан ажаһуугшадай ба эбээн тэдхэгшэдэй ашаар баригдаа. Мүнөө тэндэ бэеын тамирай хэшээлнүүд, һорилгонууд, һургуулиин мүрысөөнүүд үнгэргэгдэнэ. Удаадахи шата хадаа нэмэлтэ һуралсалай хүгжэлтэ болоно.
Хонхолойн эхин hургуулиин захирал Жаргалма Цырендоржиевагай тэмдэглэhээр, нэмэлтэ hуралсалай хүгжэмэй кружогтойбди. Мүн уран hайханай кружогтой болобол hайн байгаа гэнэ.
Хонхоло оройдоол 375 ажаһуугшадтай багахан hуурин, тэдэнэй гурбанай нэгэ шахуу хубинь үхибүүд болоно. Тиимэһээ тамирай инфраструктура хүгжөөлгэ ургажа ябаа залуу үетэндэ эдэбхитэй ажабайдалай арга боломжонуудые нээнэ.