- Одну из задвижек вынимаю, здесь утечка воздуха. И всё, тормоза не работают.
Агаараа алдахадаа тормоз хүдэлхэгүй. Иимэ хэмэл хэрэгсэл дээрэ Дмитрий Степанов элдэб янзын техникэ унаагай ябадалые оюутадта ойлгуулна. Энэ сэдэбээрээ аяар 120 лабораторно ажал дүүргүүлдэг юм ха. Бодото унаагай досоо ороод ойлгуулхада, ерээдүйн автозаһагшад түргэн хадуужа абана, ямар хубииень һэлгэхэб гээд шалгана, һугалжа гаргаад харахада болоно ха юм гээд багша хэлэнэ. Дмитрий Константинович үшөө тусхай специализированна унаа жолоодуулжа һургадаг юм. Жэшээнь, ашаа тээдэг погрузчик хүтэлжэ һурахадаа, оюутад иимэ электрон симулятор дээрэ дүршэнэ. Бодото бульдозертэ тон адли гээд Дмитрий багша харуулна. Тиимэһээ оюутад программаар түсэблэгдэһэн хэшээлнүүдээ шудалхадаа, жолоодохо дүүрэн эрхэтэй болонод. Ветеранай хэшээлнүүдтэ оюутад дуратай ерэдэг юм. Дайшалхы баатарлиг намтарынь олоной анхарал татадаг. Һуралсалай таһагые даагша Надежда Румянцевагай хэлэһээр, Дмитрий Степанов техникум соогоо оюутадай ТОС байгуулаа, волонтернуудаар хамта сэрэгэй тусхай ябуулгада хабаадажа байһан сэрэгшэдэй гэр бүлэнүүдтэ туһалдаг. Фронт руу Дмитрий һайн дураараа ошоһон юм. Тэндэ байһанаа һанахадаа, хүндэ хүшэр байдалые тэсэжэ гаралгада туһалһан дулаан баримтануудые сэдьхэлдээ хүмэрюулэн дурсадаг. Жэшээнь, окоп соогоо бууза түрүүшынхиеэ бариһанаа һанана, нэгэмнай банкаар талхаа хэршэжэ, нүгөөдэмнай мушхажа, би тэдэнээ шанаха гэжэ һабандаа һэм гээд хөөрэнэ. Курска можо сүлөөлэлсэһэнй түлөө гэһэн медаляар ба «БАРС 22 «ТИГР» гэһэн дурасхаалай тэмдэгээр шагнагдаһан. Дүтын зонойнгоо ашаар, гүрэн түрын дэмжэлгээр амгалан байдалдаа түргэн дадаа. Ветерануудые, тэдэнэй үри хүүгэдые олон аргаар тэдхэнэбди, һураха, амарха, мэргэжэл шэлэхэ - тэдэнэй дуран, элдэб янзын талаар туһа үзүүлэгдэнэ гээд уласай эрдэм болбосоролой сайд Валерий Поздняков тэмдэглэбэ.
Тиимэһээ уялгаяа дүүрэн дүүргэһэн ветеран юунһээ айха гэлэй. Амжалтануудаа үдхэн хүдэлхэ, үглөөдэрынь бата бэхи найдамтай ха юм.