Қарағанды облысында өткен тәулікте өрттен үш адам қаза тапты. Бұл туралы ҚР ТЖМ баспасөз қызметі хабарлады, деп жазады BAQ.KZ.
4 желтоқсанда сағат 12.28-де Абай қаласында бес қабатты тұрғын үйдің төртінші қабатындағы пәтерден өрт шықты. Үй заттары мен ағаштан жасалған терезе жақтаулары жанған. Өрттің көлемі 5 шаршы метр. Өрт сөндірушілер баспалдақ арқылы 2 адамды эвакуациялады. Өрт сағат 12.45-те толық сөндірілді. Оқиға орнында 1962 жылы туған пәтер иесі қаза болды. 1953 жылы туған ер адам улы газбен уланып, ауруханаға жатқызылды. Алдын ала болжам бойынша өрттің себебі өрт қауіпсіздігінің сақталмауы, - деді ТЖМ ресми өкілі Талғат Уәли.
туйка1.jpeg
Сондай-ақ, 5 желтоқсанда сағат 07.34-те Шахтинск қаласының Шахан кентінде бес қабатты тұрғын үйдің бесінші қабатындағы пәтерде өрт шықты.
Өрт 40 шаршы метр алаңды шарпыды. Өрт сөндірушілер кіреберістен баспалдақ арқылы 3 адамды эвакуациялады. Оқиға орнында 1957 жылы туған ер адам және 1962 жылы туған әйел адам қаза болды. Қабылданған шаралардың арқасында өрт сағат 08.45-те сөндірілді. Өртті сөндіруге ТЖД бөлімшелерінен 16 адам мен 3 техника жұмылдырылды, - делінген ТЖМ хабарламасында.
Алдын ала болжам бойынша өрттің себебі ашық от көзі (сіріңке, темекі, шам және т.б.). ҚР ТЖМ барша азаматтардан өрт қауіпсіздігін қатаң сақтауға шақырады.
Қарағанды облысында өрттен үш адам қаза тапты
2020-12-05 12:20:13
Последние новости
05.12.2020
Горжусь нашими добровольцами, - К.Токаев
05.12.2020
Дәрігер 20 жылды арқалауы мүмкін