Оралдағы көпірде болған жол апатынан 4 адам зардап шекті, - деп хабарлайды Tengrinews.kz.
Қалада мұнай базасы ауданындағы көпірде болған жол апаты салдарынан кептеліс пайда болған. 2 ер адам мен 2 әйел зардап шеккен.
Облыстық полиция департаментінің мәліметінше, жол апаты туралы ақпарат күндізгі сағат 12.00-де түскен. Болжам бойынша жол апатына BMW жүргізушісі кінәлі.
"Ер адам көлік тізгініне ие бола алмай, көпірге соғылып, жолдың қарсы бетіне шығып кеткен. Салдарынан тағы 3 көлік соқтығысқан", - делінген хабарламада.
Денсаулық сақтау басқармасы жол апатынан 21 және 22 жастағы ер адам, 35 және 77 жастағы әйелдер зардап шеккенін жеткізді.
"Облыстық көпбейінді ауруханасына миы шайқалды деген күдікпен 3 адам жеткізілді. 22 жастағы ер адам ауруханаға жатудан бас тартты", - делінген хабарламада.
Полиция департаменті бұл факт бойынша сотқа дейінгі тергеу басталғанын атап өтті. BMW жүргізушісіне қатысты ҚР Әкімшілік құқық бұзушылық кодексінің 610-бабы бойынша хаттама толтырылды.
Оралда жол апатынан 4 адам зардап шекті
2020-12-04 16:20:13
Последние новости
04.12.2020
Четыре человека пострадали в ДТП в Уральске