Ведомствоаралық комиссияның шешіміне сәйкес, ҚР Денсаулық сақтау министрлігінің ұсынымдарын, эпидемиологиялық жағдайдың деңгейін ескере отырып, ДДСҰ картасына сәйкес 17 тамыздан бастап Біріккен Араб Әмірліктері, Беларусь, Германия, Нидерланд, Египет, Украина және Ресей елдерімен арадағы халықаралық рейстер кезең-кезеңімен қайта ашылады. Бұл туралы Индустрия және инфрақұрылымдық даму министрлігінің ресми сайтында хабарланды, деп жазады AzattyqRuhy.kz.
«Министрлік жоғарыда аталған елдердің авиациялық органдарымен бірлесіп, тұрақты жолаушылар рейстерін қалпына келтіру мәселесін пысықтады. Аталмыш елдер санитарлық-эпидемиологиялық талаптарға сәйкес (термометрия, әлеуметтік дистанция, маска режимі, ПТР тестілеу және т.б.) Қазақстанмен әуе байланысты қайта қалпына келтіру қолдайды», - делінген хабарламада.
Министрліктің хабарлауынша, Ресейге ұшу үшін Ресей тарапынан рұқсат талап етілетінін атап өткен жөн.
Халықаралық бағыттар бойынша рейстер саны әуе қатынасы туралы үкіметаралық келісім негізінде және әр бағыттағы әуе кемелерінің коммерциялық жүктемесіне байланысты болады.
«Рейстер мен билеттерді сату әуекомпаниялардың сайттарында жарияланған кестеге сәйкес азаматтардың жоғарыда аталған елдермен мемлекеттік шекаралар арқылы өтуіне шектеулер алынып және Қазақстан мен тиісті елдер белгілеген санитарлық қауіпсіздік шаралары күшейтілген жағдайда, эпидемиологиялық жағдайдың жақсаруына қарай жүзеге асырылатын болады», - делінген ведомство хабарламасында.
17 тамыздан бастап Қазақстаннан БАӘ, Германия, Беларусь елдеріне әуе рейстері қатынай бастайды
2020-08-12 15:00:45
Последние новости
12.08.2020
Шарын шатқалы бұзылып жатыр