Кездесу 12 қыркүйекте Лос-Анджелесте өтеді деп жоспарланған. Ақылы трансляция жүйесінде өтетін жекпе-жекті Triller мультимедиялық платформасы көрсетеді.
Боксшылар кездесуде 12 унциялық қолғаппен жұдырықтасады.
Еске салайық, 54 жастағы Тайсон кәсіпқой рингке соңғы рет 2005 жылы шығып, Кевин Макбрайдқа жол берген болатын. Ал 51 жастағы Джонс соңғы кездесуін 2018 жылы ақпанда өткізіп, Скотт Сигмонды төрешілер шешімімен жеңген.